Janavaradhi | Online News


షూటింగ్ కంప్లీట్ చేసుకున్న ‘మహర్షి’...


సూపర్ స్టార్ మహేష్ బాబు అభిమానులు ఎప్పుడెప్పుడా అని ఎదురుచూస్తున్న టాలీవుడ్ మోస్ట్ క్రేజీ కాంబినేషన్ మూవీ ‘మహర్షి’ నేటితో షూటింగ్‌ పూర్తి చేసుకుంది. ఈ సందర్భంగా చిత్ర యూనిట్ కేక్ కట్ చేసి సెలబ్రేషన్స్ చేసుకున్నారు. ఈ ఫొటోలను సోషల్ మీడియా ద్వారా విడుదల చేశారు మహేష్ బాబు. ‘మహర్షి.. ఇట్స్‌ ఎ ర్యాప్‌’ అని కేక్‌పై రాసున్న ఫొటోను ఇన్‌స్టాగ్రామ్ ద్వారా అభిమానులకు షేర్ చేసిన మహేష్ బాబు.. ‘మిమ్మల్ని మే 9న థియేటర్లలో చూస్తాను’ అని క్యాప్షన్‌ ఇచ్చారు. 
 
ఈ కార్యక్రమంలో మహేష్ బాబుతో పాటు హీరోయిన్ పూజా హెగ్డే.. దర్శకుడు వంశీ పైడిపల్లి, నిర్మాత దిల్ రాజు తదితరులు పాల్గొన్నారు. ఈ చిత్రానికి పనిచేసిన సాంకేతిక నిపుణులతో పాటు మహేష్ కూతురు సితార, వంశీపైడిపల్లి కూతురు చిత్ర యూనిట్‌తో పాటు సందడి చేశారు. వారి చేతుల మీదుగా కేట్ కటింగ్ జరిగింది. ‘మహర్షి.. ఇట్స్‌ ఎ ర్యాప్‌’ అంటూ ఆకర్షణీయంగా.. నోరూరించేలా ఉన్న ఈ కేక్‌ను చూసి మురిసిపోయింది సితార పాప. 
 
ఇక ఈ సినిమా విషయానికి వస్తే.. మహేష్ కెరియర్‌లో ‘మహర్షి’ 25 మూవీ కావడంతో అభిమానులు ఈ చిత్రాన్ని ప్రతిష్టాత్మకంగా భావిస్తున్నారు. ఈ చిత్రంలో మహేష్ రెండు డిఫరెంట్ షేడ్స్ ఉన్న పాత్రల్లో నటిస్తున్నారు. ‘అల్లరి’ నరేశ్‌ కీలక పాత్ర పోషించారు. సుమారు రూ.130 కోట్ల భారీ బడ్జెట్‌తో రూపొందిన ఈ చిత్రం మే 9న ప్రేక్షకుల ముందుకు రానుంది. వైజయంతి మూవీస్, శ్రీ వెంకటేశ్వర క్రియేషన్స్, పీవీపీ సినిమాస్ బ్యానర్లపై దిల్ రాజు, సి.అశ్వినీదత్, ప్రసాద్ వి. పొట్లూరి సంయుక్తంగా ఈ చిత్రాన్ని నిర్మిస్తున్నాయి. 





POLL