Janavaradhi | Online News


బాక్సాఫీస్‌ను దున్నేస్తున్న మహర్షి...


తన 25వ సినిమా ‘మహర్షి’తో ప్రిన్స్ మహేష్ బాబు బాక్సాఫీస్ రికార్డులు కొల్లగొడుతున్నాడు. మహేశ్ మూడు విభిన్న షేడ్స్ ఉన్న పాత్రల్లో నటించిన ఈ సినిమా తొలిరోజే రికార్డు స్థాయి కలెక్షన్లు రాబట్టింది. రెండోరోజు కూడా ఈ సినిమా చాలాచోట్ల గత రికార్డులను తిరగరాసినట్లు తెలుస్తోంది. తెలుగు రాష్ట్రాలతో పాటు ఇతర రాష్ట్రాలు, ఓవర్సీస్‌లోనూ దుమ్ము లేపుతోంది. ఓవర్సీస్‌లో ప్రీమియర్ కలెక్షన్లు స్పైడర్, ఆగడు సినిమాల కంటే తక్కువ వచ్చినట్లు వార్తలు వచ్చినా ప్రస్తుతం కలెక్షన్లు నిలకడగా ఉన్నట్లు తెలుస్తోంది. 
 
‘మహర్షి’ రెండ్రోజులకు కలిపి తెలుగు రాష్ట్రాల్లో రూ.32.02కోట్ల షేర్ రాబట్టినట్లు తెలుస్తోంది. ఓవర్సీస్‌తో పాటు ఇతర రాష్ట్రాల కలెక్షన్లు కలుపుకుంటే రెండ్రోజుల షేర్ రూ.40కోట్లకు పైగానే ఉండే అవకాశం కనిపిస్తోంది. సినిమా బిజినెస్‌తో పోలిస్తే రెండ్రోజుల్లోనే 43శాతం రికవరీ అయినట్లు ట్రేడ్ నిపుణులు చెబుతున్నారు. ‘మహర్షి’ అనేక ప్రాంతాల్లో తొలిరోజు కలెక్షన్లలో రికార్డు నెలకొల్పింది. కేరళలో తొలిరోజు రూ.2.9లక్షలు వసూలు చేసింది. అక్కడ విడుదలైన తెలుగు సినిమాల్లో తొలిరోజు వసూళ్లలో ఇదే రికార్డు అని చెబుతున్నారు. నైజాం, గుంటూరు రీజియన్లలోనూ తొలిరోజు వసూళ్లలో నాన్ బాహుబలి రికార్డు నెలకొల్పినట్లు ట్రేడ్ వర్గాలు చెబుతున్నాయి. 
 
తెలుగు రాష్ట్రాల్లో ఏరియాల వారీగా కలెక్షన్లు
 
నైజాం- రూ. 9.66కోట్ల
సీడెడ్- రూ.3.50కోట్ల 
కృష్ణా- రూ.2.12కోట్ల 
గుంటూరు -రూ. 4.90కోట్లు 
నెల్లూరు- రూ.1.24కోట్లు 
వెస్ట్- రూ.2.90కోట్లు 
ఈస్ట్- రూ.3.80కోట్లు 
యూఏ- రూ.3.93కోట్ల 





POLL