Janavaradhi | Online News


రేప్ కేసులో బెయిల్‌పై వచ్చి మళ్లీ రేప్....


ఉత్తర్‌ప్రదేశ్‌లో ఘోరం జరిగింది. అప్పు తీసుకున్న వ్యక్తి సకాలంలో దాన్ని తీర్చలేకపోవడంతో అతడి కూతురిని రేప్ చేశావో కామాంధుడు. ఈ దారుణ ఘటన ఉత్తర్‌ప్రదేశ్‌లో చోటుచేసుకుంది. నిందితుడు రేప్ కేసులో అరెస్టయి బెయిల్‌పై వచ్చి ఈ అఘాయిత్యానికి పాల్పడటం మరింత దారుణమైన విషయం యూపీలోని సంభల్ జిల్లా బనియెతర్ పోలీస్‌స్టేషన్ పరిధిలోని ఓ గ్రామానికి చెందిన వ్యక్తి స్థానిక వడ్డీ వ్యాపారి వద్ద రూ.22వేలు అప్పుగా తీసుకున్నాడు. అయితే చెప్పిన సమయానికి డబ్బులు సమకూరకపోవడంతో అప్పు తీర్చలేకపోయాడు. దాన్ని అలుసుగా తీసుకున్న వ్యాపారి కొడుకు ఇంట్లో ఎవరూ లేని సమయం చూసి అతడి 17ఏళ్ల కూతురిపై అత్యాచారానికి పాల్పడ్డాడు. బాలిక కేకలు పెడుతున్నా కాపాడేవారు లేకపోవడంతో బాధితురాలి జీవితం అతడి చేతుల్లో నలిగిపోయింది. 
 
ఆ తర్వాత బాధితురాలు తనకు జరిగిన అన్యాయాన్ని తండ్రికి చెప్పడంతో పోలీసులకు ఫిర్యాదు చేశాడు. దీంతో పోలీసులు నిందితుడిపై రేప్ కేసు నమోదుచేసి అరెస్ట్ చేశారు. అతడి దగ్గర అప్పు తీసుకున్న పాపానికి తన కూతురి బతుకు నాశనమైపోయిందని బాధితురాలి తండ్రి కన్నీరుమున్నీరవుతున్నాడు. ఈ కేసులో అసలు ట్విస్ట్ ఏంటంటే ఆ కామాంధుడు నెలరోజుల క్రితమే బెయిల్‌పై వచ్చాడు. ఫిబ్రవరి నెలలో ఏడేళ్ల బాలికపై అత్యాచారం చేసి చంపేసిన కేసులో పోలీసులు నిందితుడు, అతడి తండ్రిపై కేసు నమోదు చేశారు. రెండు నెలల పాటు జైల్లోనే ఉన్నాడు. అయితే కోర్టులో విచారణ సందర్భంగా ఆ బాలిక తల్లిదండ్రులు తమ ఆరోపణలను వెనక్కి తీసుకోవడంతో న్యాయస్థానం తండ్రీకొడుకులకు బెయిల్ మంజూరు చేసింది. తాను మళ్లీ ఎన్ని తప్పులు చేసినా తప్పించుకోవచ్చనే దురంహకారంతోనే నిందితుడు ఈ ఘోరానికి పాల్పడ్డాడని గ్రామస్థులు మండిపడుతున్నారు.





POLL