Janavaradhi | Online News


రక్తం కారుతున్నా వెనక్కి తగ్గని వాట్సన్!


ముంబయి ఇండియన్స్‌తో ఆదివారం రాత్రి ఉప్పల్ వేదికగా జరిగిన ఐపీఎల్ ఫైనల్ మ్యాచ్‌లో ఆఖరి బంతి వరకూ పోరాడిన చెన్నైసూపర్ కింగ్స్‌ జట్టు ఒక్క పరుగు తేడాతో ఓటమి పాలైన విషయం తెలిసిందే. చెన్నై ఓపెనర్ షేన్ వాట్సన్ (80: 59 బంతుల్లో 8x4, 4x6) చివరి ఓవర్ వరకూ క్రీజులో ఉండటంతో ఆ జట్టు తమదే విజయమని భావించింది. కానీ అనూహ్యంగా వాట్సన్ రనౌట్ కావడం జట్టు తలరాతనే మార్చేసింది. కానీ వాట్సన్ పోరాటాన్ని మాత్రం చెన్నై జట్టు గుర్తుపెట్టుకుంటుంది. 
 
ఒంటి కాలుపై సైతం నిల్చుని బంతిని బౌండరీలకు తరలించిన వాట్సాన్ ఆ మ్యాచ్‌లో రనౌట్ కావడానికి కారణం అతడి ఎడమ కాలుకు గాయం కావడం. గాయం బాధిస్తున్నా లెక్కచేయకుండా, జట్టు సభ్యులకు సమాచారం ఇవ్వకుండా చెన్నై జట్టుకు ఎలాగైనా ఐపీఎల్ ట్రోఫీని అందించాలని ఆశ పడ్డాడు వాట్సాన్. కానీ ఇన్నింగ్స్ చివరి ఓవర్‌లో నాలుగో బంతికి రెండో పరుగుకు యత్నించిన వాట్సాన్ ముంబై ఫీల్డర్ కృనాల్ పాండ్యా అద్భుతమైన త్రోకు రనౌట్ అయ్యాడు. ఔట్ కాగానే మోకాళ్లపై ఉండిపోయిన వాట్సన్ ఎంతో ఆవేదనగా డ్రెస్సింగ్ రూముకు వెళ్లాడు. 





POLL