Janavaradhi | Online News


హైదరాబాద్: మహిళా పైలెట్ పై లైంగిక వేధింపులు!


ప్ర‌భుత్వ రంగ విమానయాన సంస్థ ఎయిర్ ఇండియాలో మహిళా పైలెట్ లైంగిక వేధింపుకుల గురయ్యారు. కమాండర్ తనను లైంగికంగా వేధిస్తున్నారని కంపెనీకి లిఖిత పూర్వకంగా ఫిర్యాదు చేశారు. ఈ అంశంపై స్పందించిన ఎయిర్ ఇండియా యాజమాన్యం వెంటనే ఉన్నత స్థాయి కమిటీని ఏర్పాటు చేసింది. ఒక జాతీయ మీడియా కథనం ప్రకారం.. మహిళా పైలెట్ హైదరాబాద్‌లో సదరు కమాండర్ దగ్గర శిక్షణ తీసుకుంటోంది. ట్రైనింగ్ అనంతరం మహిళా కెప్టెన్ ఇంటికి వెళ్లినా కూడా కమాండర్ ఆమెకు మెసేజ్‌లు పంపుతూనే ఉన్నారు. ‘మే 5న ట్రైనింగ్ తర్వాత కొన్ని నోట్స్ ఇస్తానని చెప్పి గదికి రమ్మనాడు. తర్వాత డిన్నర్‌కు వెళ్దామని పట్టుబడ్డాడు. ఒక రెస్టారెంట్‌కు వెళ్లాం. ఇక్కడి నుంచే కఠిన పరీక్ష మొదలైంది’ అని మహిళా పైలెట్ ఫిర్యాదులో పేర్కొన్నారు. 
 
‘నా వివాహ జీవితం సంతోషంగా లేదు. మీరు కూడా భర్తకు దూరంగా ఉంటున్నారు. రోజూ నాకు సెక్స్ అవసరం లేదు. హస్తప్రయోగం చేసినా చాలు’ అని కమాండర్ ఇష్టానుసారంగా మాట్లాడారని మహిళా పైలెట్ తెలిపారు. నేను ఈ విషయం ఇంతటితో వదిపెట్టాలని ఆయనతో చెప్పానని, క్యాబ్ బుక్ చేసుకున్నారని పేర్కొన్నారు. క్యాబ్ కోసం వేచి ఉన్న సమయంలో కమాండర్ హద్దులు దాటారని తెలిపారు. తర్వాత కూడా కమాండర్ ప్రవర్తనలో ఎలాంటి మార్పు రాలేదని, రోజూ మెసేజ్‌లతో విసిగించేవాడని మహిళా పైలెట్ తెలిపారు. మెసేజ్‌లకు సమాధానం ఇవ్వకపోవడంతో చివరకు గదికి వస్తానని బెదిరించాడని పేర్కొన్నారు. ఆయన ప్రవర్తనలో విసిగిపోయి ఫిర్యాదు చేస్తున్నట్లు తెలిపారు . 





POLL