Janavaradhi | Online News


ఫ్యాన్ ప్రభంజనం... ఆనందంలో జగన్, విజయసాయి


ఏపీ ఎన్నికల ఫలితాల్లో వైఎస్సార్ కాంగ్రెస్ పార్టీ భారీ ఆధిక్యం దిశగా దూసుకెళ్తోంది. ఇప్పటివరకు అందిన వివరాల ప్రకారం.. అసెంబ్లీ ఎన్నికల ఫలితాల్లో ఆ పార్టీ 150 స్థానాల్లో ఆధిక్యంలో కొనసాగుతుండగా.. టీడీపీ 24 స్థానాల్లో ఆధిక్యంలో ఉంది. అటు లోక్‌సభ ఫలితాల్లో ఏపీలో 25 స్థానాలకు గాను 23 స్థానాల్లో వైసీపీ ఆధిక్యంలో కొనసాగుతోంది. ఇక అద్భుతం జరిగితే తప్ప వైసీపీ గెలుపును అడ్డుకోలేరనే రీతిలో ఫలితాల సరళి ఉంది. అందరి అంచనాలనూ తలకిందులు చేస్తూ.. తీర్పు ఏకపక్షంగా జగన్ వైపే కొనసాగుతోంది. దీంతో వైసీపీ శ్రేణుల్లో సంబరాలు అంబరాన్నంటాయి. 
 
ఏపీ ఎన్నికల్లో వైసీపీకి వస్తున్న ఫలితాలపై ఆ పార్టీ అధ్యక్షుడు వైఎస్ జగన్‌ సంతోషం వ్యక్తం చేశారు. ఎంపీ విజయసాయి రెడ్డితో కలిసి తన ఆనందాన్ని పంచుకున్నారు. తాడేపల్లిలోని జగన్ నివాసంలో ఇరువురు నేతలు ఆలింగనం చేసుకొని పరస్పరం అభినందనలు తెలుపుకున్నారు. ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి. అటు వైసీపీకి సానుకూల ఫలితాలు వస్తున్న నేపథ్యంలో ఆ పార్టీ అధినేత జగన్.. స్వరూపానంద స్వామి ఆశీస్సులు తీసుకున్నారు. ఆయనకు ఫోన్ చేసి మాట్లాడారు. గతంలో స్వరూపానంద స్వామి ఆశ్రమానికి వెళ్లి ఆయనతో ప్రత్యేకంగా భేటీ అయిన విషయం తెలిసిందే. 





POLL