Janavaradhi | Online News


అజేయ శతకంతో టీమిండియాని గెలిపించిన రోహిత్ శర్మ


ఇంగ్లాండ్ వేదికగా జరుగుతున్న వన్డే ప్రపంచకప్ 2019 టోర్నీలో ఆడిన తొలి మ్యాచ్‌లోనే భారత్ జట్టు ఘన విజయంతో బోణి కొట్టింది. మరోవైపు వరుసగా ఇంగ్లాండ్, బంగ్లాదేశ్‌ చేతిలో ఓడిన ధక్షిణాఫ్రికా .. బుధవారం భారత్ చేతిలోనూ ఓడి హ్యాట్రిక్ ఓటముల్ని చవిచూసింది. దీంతో.. సోషల్ మీడియాలో ఆ జట్టుపై అభిమానులు సెటైర్ల వర్షం కురిపిస్తున్నారు. మ్యాచ్‌లో తొలుత భారత స్పిన్నర్ చాహల్ (4/51), పేసర్లు జస్‌ప్రీత్ బుమ్రా (2/35), భువనేశ్వర్ కుమార్ (2/44) చెలరేగడంతో టాస్ గెలిచి తొలుత బ్యాటింగ్ చేసిన దక్షిణాఫ్రికా 9 వికెట్ల నష్టానికి 227 పరుగులే చేయగలిగింది. అనంతరం ఛేదనలో టాప్ ఆర్డర్ నుంచి ఆశించినంత సహకారం లభించకపోయినా.. పట్టుదలతో క్రీజులో నిలిచిన రోహిత్ శర్మ (122 నాటౌట్: 144 బంతుల్లో 13x4, 2x6) అజేయ శతకంతో 47.3 ఓవర్లలోనే టీమిండియాకి 230/4తో టీమిండియాకి విజయాన్ని అందించాడు. మ్యాచ్‌లో దక్షిణాఫ్రికా టాప్ ఆర్డర్ కంటే లోయర్ ఆర్డర్ బ్యాట్స్‌మెన్‌లే ఎక్కువ పరుగులు చేయగా.. అనంతరం ఫీల్డింగ్ రోహిత్ శర్మ క్యాచ్‌ని డేవిడ్ మిల్లర్, డుప్లెసిస్ నేలపాలు చేశారు. 





POLL