Janavaradhi | Online News


రాజకీయాల కోసం పేదల కడుపు కొట్టాలా....లోకేష్!


ఏపీలో ట్విట్టర్ వార్ మరింత ముదురుతోంది. వైసీపీ, టీడీపీ నేతలు ట్వీట్ల యుద్ధంతో రెచ్చిపోతున్నారు. వైసీపీ నుంచి విజయసాయిరెడ్డి ట్వీట్లతో చంద్రబాబుపై విరుచుకుపడుతుంటే.. టీడీపీ నుంచి మాజీ మంత్రి నారా లోకేష్ వైసీపీ ప్రభుత్వాన్ని టార్గెట్ చేస్తున్నారు. లోకేష్ తాజాగా అన్న క్యాంటీన్ల మూసివేతపై ఏపీ సర్కార్‌ను టార్గెట్ చేశారు. రాజకీయాల కోసం పేదల కడుపు కొట్టాలా అంటూ ప్రశ్నించారు. ‘ఆకలికి రాజకీయం తెలియదు ముఖ్యమంత్రిగారూ!.. మా మీద కక్ష సాధించడానికి పేదవాళ్ల కడుపు కొట్టాలా?’అంటూ ప్రశ్నించారు. అన్న క్యాంటీన్‌కు తాళం వేసిన ఫోటోను లోకేష్ ట్వీట్ చేశారు. తమపై కక్ష సాధించేందుకు ఇలా క్యాంటీన్లను మూసివేయడం పద్దతి కాదంటున్నారు మాజీ మంత్రి. అంతకుముందు పోలవరంపై లోకేష్ ట్వీట్ చేశారు. ‘ఇదిగో! ఆంధ్రప్రదేశ్ రైతుల ఏడు దశాబ్దాల కల.. చంద్రబాబు గారి ఐదేళ్ళ కష్టం.. పోలవరం ప్రాజెక్టులో భాగంగా నిర్మించిన దేశంలోనే అతిపెద్ద స్పిల్ వే దాటి ప్రవహిస్తోంది గోదావరి. అనుకున్నట్టుగా జరిగితే ఈ పాటికి కాఫర్‌ డ్యామ్‌లు పూర్తిచేసి గేట్లుపెట్టి నీళ్ళిచ్చే పరిస్థితి ఉండేది’అన్నారు. 





POLL